Mayasabha is breaking records in OTT: ఒక సినిమా హిట్టు కొట్టాలంటే మామూలు విషయం కాదు. కానీ, ఈ మధ్య మయసభ అనే వెబ్ సిరీస్ మాత్రం రికార్డులు బద్దలుకొట్టేస్తోంది.
ఈ ఇద్దరూ రాజకీయాల్లోకి ఎలా వచ్చారు? దేశంలో ఎమర్జెన్సీ పెట్టిన ప్రధాని ఐరావతి బసు (దివ్యా దత్తా) నిర్ణయాలు వీరి జీవితాలను ఎలా మార్చాయి? రాయపాటి చక్రధర్ రావు (సాయి కుమార్) అనే పవర్ఫుల్ నాయకుడు ఇందులో ఏం పాత్ర పోషించారు? కృష్ణమ నాయుడు అతనికి అల్లుడు ఎలా అయ్యాడు? ఈ ప్రయాణంలో ఎవరు ఎవరికి శత్రువులయ్యారు? ఇవన్నీ తెలుసుకోవాలంటే సిరీస్ చూసి తీరాల్సిందే.
మొత్తానికి, మయసభ అనేది కేవలం ఒక వెబ్ సిరీస్ కాదు, అది ఒక ఎమోషనల్ అండ్ పొలిటికల్ జర్నీ. ఒక్కసారి చూడడం మొదలుపెడితే, ఇంక మీకు ఆసక్తి ఆపడం కష్టం. మీరు ఈ సిరీస్ చూశారా? చూడకపోతే ఇప్పుడే చూడండి.
Deva Katta గారి సినిమాలు లెక్కపెట్టాలంటే చాలా తక్కువ. ఆయన తొలి సినిమా ‘వెన్నెల’ పక్కన పెడితే, ‘ప్రస్థానం’ నుంచి మొన్న వచ్చిన ‘రిపబ్లిక్’ వరకూ ఆయన సినిమాల్లో రాజకీయాలే మెయిన్ పాయింట్గా కనిపిస్తాయి. అలాంటి దర్శకుడు ‘మయసభ’ అనే వెబ్ సిరీస్ తీస్తున్నారని తెలిసినప్పుడు అందరిలోనూ ఆసక్తి పెరిగింది. కానీ, ఈ సిరీస్లో తెలుగు రాజకీయాలను మలుపు తిప్పిన ఇద్దరు నాయకుల పాత్రలు ఉన్నాయని తెలిసి, ఈ సిరీస్ పై చర్చ మొదలైంది. ఇంతకీ, దేవ కట్టా ఈ ‘మయసభ’తో ఏం చెప్పాలనుకున్నారో, ఏం చెప్పారో చూద్దాం. ఈ సిరీస్ ఇప్పుడు Sony LIV లో స్ట్రీమ్ అవుతోంది. దేవ కట్టా, కిరణ్ జయకుమార్ కలిసి డైరెక్ట్ చేయగా, కృష్ణ లింగమనేని, శ్రీహర్ష నిర్మించారు.
కథేంటంటే (Mayasabha Story) Mayasabha is breaking records in OTT
‘మయసభ’ కథలోకి వెళ్తే… ఎం.ఎస్.ఆర్ (చైతన్య రావ్), కె.కె.ఎన్ (ఆది పినిశెట్టి) రాయలసీమలో వేర్వేరు ప్రాంతాల నుంచి వచ్చినా, కాలేజీలో కలుసుకుని మంచి స్నేహితులుగా మారతారు. ఎం.ఎస్.ఆర్ ఫ్యాక్షన్ కుటుంబం నుంచి వచ్చి డాక్టర్ అయితే, కె.కె.ఎన్ రైతు కుటుంబం నుంచి వచ్చి చదువుకుని పెద్దవాడవుతాడు. ఇద్దరికీ రాజకీయాల్లోకి వెళ్లి ప్రజలకు సేవ చేయాలని, రాష్ట్రాన్ని మార్చాలని ఒకే కల ఉంటుంది. ఇందిరా గాంధీ ఎమర్జెన్సీ ఎత్తేశాక, ఎన్నికలు పెట్టినప్పుడు వీరిద్దరూ రాజకీయాల్లోకి వస్తారు. ఊహించని విధంగా మొదటి ఎన్నికల్లోనే వేర్వేరు పార్టీల తరపున పోటీ చేసి గెలుస్తారు. తర్వాత, కె.కె.ఎన్. తన మామ, స్టార్ హీరో ఆర్.సి.ఆర్. (సాయికుమార్) పెట్టిన కొత్త పార్టీలో చేరతాడు. అప్పటివరకూ స్నేహితులుగా ఉన్న వీళ్ళిద్దరూ అక్కడి నుంచి ప్రత్యర్థి పార్టీల నాయకులుగా మారిపోతారు. జాతీయ పార్టీలో ఉన్న ఎం.ఎస్.ఆర్.కి, ప్రాంతీయ పార్టీలో చేరిన కె.కె.ఎన్.కి మధ్య ఎలా యుద్ధం మొదలైంది? అనేది రెండో సీజన్ కథ. అంటే, ట్రైలర్లో చూసిన ‘మామా అల్లుళ్ల సవాల్’ మొత్తం సెకండ్ సీజన్లో ఉండబోతోందన్నమాట. దాని పేరు ‘మయసభ: క్లాష్ ఆఫ్ టైటాన్స్’.
సిరీస్ ఎలా ఉందంటే… (Mayasabha Web series) Mayasabha is breaking records in OTT
ముసుగులో గుద్దులాట ఎందుకు? ఇది వై.ఎస్. రాజశేఖర్ రెడ్డి, చంద్రబాబు నాయుడు పాత్రలను బేస్ చేసుకుని తీశారని స్పష్టంగా అర్థమవుతుంది. ఆ కాలంలో ఉన్న కుల రాజకీయాలు, ఫ్యాక్షన్ గొడవలు, నక్సలైట్ల హింస… వీటన్నింటినీ ఇందులో చూపించారు. ఎమర్జెన్సీ టైంలో ఇందిరా గాంధీ, సంజయ్ గాంధీ రాష్ట్ర నాయకులను ఎలా ఆడిస్తున్నారో కూడా చూపించారు. కానీ జాగ్రత్తగా చూస్తే, చంద్రబాబు నాయుడు ఏ విజయం సాధించినా దాని వెనక వైఎస్ఆర్ ఉన్నట్టుగా చూపించే ప్రయత్నం చేశారనిపిస్తుంది.
సిరీస్లో 10 శాతం నిజం ఉంటే, 90 శాతం కల్పితం ఉందనే అనుకోవాలి. సంఘటనలు నిజమైనవే అయినా, వాటిని చూపించిన విధానం మాత్రం ఒక వైపు వాలిపోయినట్టు కనిపిస్తుంది. రాష్ట్ర రాజకీయాలపై అవగాహన లేనివాళ్ళు ఈ సిరీస్ చూసి బాగా ఇంప్రెస్ అవ్వొచ్చు. కానీ, అప్పట్లో ఈ రాజకీయాలను దగ్గరగా చూసినవాళ్ళకి మాత్రం ఇది అంతగా నచ్చకపోవచ్చు. దీనిపై తెలుగుదేశం పార్టీ నుంచి విమర్శలు వచ్చే అవకాశం ఎక్కువ ఉంది. ఇందిరా గాంధీని చూపించిన విధానంపై కాంగ్రెస్ పార్టీ కూడా ప్రశ్నించక మానదు.
ఈ రాజకీయ విషయాలను పక్కన పెడితే, మొదటి ఎపిసోడ్ నుంచి చివరి ఎపిసోడ్ వరకూ సిరీస్ చాలా ఆసక్తికరంగా సాగింది. ఎక్కడా బోర్ కొట్టకుండా, పొలిటికల్ నాలెడ్జ్ లేనివాళ్ళని ఇది నిజమేనేమో అని నమ్మించేలా తీశారు. అలా జరిగి ఉంటే ఎంత బాగుండేదో అని కూడా అనిపిస్తుంది. ఈ విషయంలో దేవ కట్టా సక్సెస్ అయ్యాడు.
నటీనటుల విషయానికి వస్తే (Mayasabha Web series – Artist Performance) Mayasabha is breaking records in OTT
వైఎస్సార్ పాత్రలో చైతన్య రావ్, చంద్రబాబు పాత్రలో ఆది పినిశెట్టి ఒదిగిపోయారు. ఎన్టీఆర్ పాత్రను సాయికుమార్ పోషించారు, కానీ ఆయన ఎంట్రీ కొంచెం ఆలస్యంగా జరిగింది. ఇందులో వంగవీటి రాధ, రంగ, పరిటాల రవి లాంటి పాత్రలు కూడా ఉన్నాయి. అంతేకాదు, అప్పట్లో ఒక స్టార్ హీరోయిన్ కూడా కీలక పాత్ర పోషించినట్టు చూపించారు. ఆ పాత్రను తాన్య రవిచంద్రన్ పోషించారు. శత్రు, రవీంద్ర విజయ్, శ్రీకాంత్ భరత్, దివ్యదత్తా, రఘుబాబు, భావన వళపండల్, చరిత వర్మ, మేకా రామకృష్ణ, సురభి ప్రభావతి, రూపలక్ష్మి లాంటి వాళ్ళు మిగతా పాత్రల్లో కనిపించారు.
‘మయసభ’ ప్రమోషన్స్లో దేవ కట్టా ఒక మాట చెప్పారు: “ఇది ఒక వాస్తవ కథ కాదు. పూర్తిగా కల్పితం. తెలుగు రాష్ట్రాన్ని శాసించిన ఇద్దరు నాయకులు స్నేహితులుగా మొదలై శత్రువులుగా మారితే ఎలా ఉంటుందనే ఆలోచనకు ఇది రూపం.” కాబట్టి, ఈ సిరీస్ చూసేటప్పుడు ఇది కల్పితం అని మనం మనసులో పెట్టుకోవాలి. కానీ, దేశ, రాష్ట్ర రాజకీయాలను మలుపు తిప్పిన కొన్ని సంఘటనలు ఇందులో చూసినప్పుడు, “ఇది ఇలా కాదు కదా జరిగింది? క్రియేటివ్ ఫ్రీడమ్ పేరుతో తిమ్మిని బమ్మిని చేశారే!” అని అనిపిస్తుంది. కొన్ని సీన్లు చూసినప్పుడు, ఇంత డ్రామా అవసరమా అనిపిస్తుంది. ఈ సిరీస్కి స్క్రీన్ ప్లేనే మెయిన్ హైలైట్. ఆ విషయంలో దేవ కట్టా, కిరణ్ జయకుమార్ సక్సెస్ అయ్యారు.
- “తెలుగు వార్తలు, సినిమా అప్డేట్స్, ఆరోగ్యం మరియు ఆయుర్వేదం, కవరేజ్ కోసం naatvtelugu.comని సందర్శించండి. తాజా, కచ్చితమైన సమాచారం మీ అరచేతిలో!”
- నాటీవీ తెలుగు యూట్యూబ్ ఛానల్ ని సబ్ స్క్రయిబ్ చేయండి.
📺 Follow Naa TV Telugu:
👤 Follow Pavanchand:
