4 dangers from eating kiwi fruit: కివి పండు తినడం వల్ల ఈ 4 ప్రమాదాలు ఉన్నాయా?

1. అలెర్జీలు

కొంతమందికి కివి పండు (Kiwi Fruit) పడకపోవచ్చు. దీన్ని తిన్న తర్వాత మీ పెదాలు, నోరు, నాలుక వాపు, దురద, దద్దుర్లు, కడుపు నొప్పి లేదా శ్వాస తీసుకోవడంలో ఇబ్బందులు వంటి లక్షణాలు కనిపిస్తే, మీకు కివి అలెర్జీ ఉన్నట్టు లెక్క. ఇలాంటి సందర్భంలో వెంటనే కివి తినడం ఆపివేయాలి.

కివి పండు వల్ల కలిగే ప్రయోజనాలు ఏమిటి? ఏ పోషకాలు ఉంటాయి? వంటి వివరాలకోసం ఈ ఆర్టికల్ చదవండి

2. రక్తం పలచబడటం

మీరు రక్తం గడ్డకట్టకుండా ఉండే (Blood Thinners) మందులు తీసుకుంటున్నట్లయితే, కివి పండు ఎక్కువగా తినడం మంచిది కాదు. ఎందుకంటే కివి పండు కూడా రక్తాన్ని పలచబరిచే గుణాన్ని కలిగి ఉంటుంది. ఈ రెండు కలిస్తే రక్తం ఇంకా పలచబడి ప్రమాదం కావచ్చు. అలాగే, ఏవైనా సర్జరీలకు ముందు కూడా కివిని తినకూడదు.

3. కిడ్నీలో రాళ్లు

కిడ్నీలో రాళ్లు ఉన్నవారు లేదా రాళ్లు వచ్చే అవకాశం ఉన్నవారు కివిని మితంగా తీసుకోవాలి. కివిలో ‘ఆక్సలేట్స్’ అనే రసాయనం ఉంటుంది. ఇది కిడ్నీలో రాళ్లు ఏర్పడటానికి కారణం కావచ్చు.

4. లేటెక్స్ అలెర్జీ

మీకు ‘లేటెక్స్ అలెర్జీ’ ఉంటే, కివి పండుపైన కూడా అలెర్జీ వచ్చే అవకాశం ఉంటుంది. ఈ పరిస్థితిని ‘లేటెక్స్-ఫ్రూట్ సిండ్రోమ్’ అని అంటారు. లేటెక్స్ అలెర్జీ ఉన్నవారికి కివి, అరటిపండు, అవొకాడో వంటి వాటిపైన కూడా అలర్జీ రావొచ్చు.

ఈ ఆరోగ్య సమస్యలు ఉన్నవారు కివి పండు తినే ముందు తప్పకుండా డాక్టర్ లేదా పోషకాహార నిపుణుడిని సంప్రదించాలి.