Coolie Review: రజినీకాంత్ మ్యాజిక్.. మాస్ అభిమానులకి పూనకాలే!

సినిమా అనగానే మనకు గుర్తొచ్చేది రజినీకాంత్ (Rajinikanth) స్టైల్. అది డ్యాన్స్ అయినా, ఫైట్ అయినా, డైలాగ్ అయినా.. దానికో ప్రత్యేకమైన స్టైల్ ఉంటుంది. ఆయనకు సక్సెస్, ఫెయిల్యూర్స్‌తో సంబంధం లేదు, ఎందుకంటే ఆయన ఒక ఎమోషన్! ‘జైలర్’ తర్వాత వచ్చిన ‘కూలీ’పై ఆయన ఫ్యాన్స్ పెట్టుకున్న అంచనాలు మామూలుగా లేవు. దానికి తోడు, లోకేష్ కనగరాజ్ (Lokesh Kanakaraj) దర్శకత్వం, కింగ్ నాగార్జున (Nagarjuna) విలనిజం, ఆమిర్ ఖాన్ (Aamir Khan), ఉపేంద్ర (Upendra) వంటి స్టార్స్ గెస్ట్ అప్పియరెన్స్.. ఇవన్నీ సినిమాపై అంచనాలను ఆకాశానికి చేర్చాయి. మరి ఈ అంచనాలను ‘కూలీ’ (Coolie) అందుకుందా? రజినీ మ్యాజిక్ ఎలా ఉందో చూద్దాం.

కథ (Coolie Review – Movie Story):

దేవా (రజినీకాంత్) ఒక మామూలు కూలీ కాదు. తన గ్యాంగ్‌తో కలిసి ఒక పోర్ట్‌లో అజ్ఞాతంలో ఉంటాడు. అతని ప్రాణ స్నేహితుడు రాజశేఖర్ (సత్యరాజ్ – Sathyaraj) హత్యకు గురవుతాడు. ఇది సాధారణ మరణం కాదని తెలుసుకున్న దేవా, తన స్నేహితుడి చావుకు కారణమైన వాళ్ళపై పగ తీర్చుకోవాలని రంగంలోకి దిగుతాడు. ఈ పగ ప్రయాణంలో అతను సైమన్ (నాగార్జున) అనే ఆర్గాన్స్ ఎక్స్‌పోర్ట్ డాన్‌తో తలపడతాడు. ఈ క్రమంలో జరిగే ట్విస్టులు, యాక్షన్‌తో కూలీ నెంబర్ 5821 అసలు కథ ఏంటో రివీల్ అవుతుంది. రాజశేఖర్ చెప్పిన ఆ కూలీ నంబర్ ఎవరిది? దేవా, సైమన్‌లకు ఉన్న కనెక్షన్ ఏంటి? (Coolie Movie Story) ఈ కథలో ఆమిర్ ఖాన్, ఉపేంద్ర పాత్రల ప్రాధాన్యత ఏంటి? అనేది తెరపై చూడాల్సిందే.

విశ్లేషణ (Coolie Review in Telugu):

లోకేష్ కనగరాజ్ స్టైల్ అంటేనే పక్కా మాస్ యాక్షన్. ఈ సినిమాలో కూడా ఆయన తన మార్క్ చూపించారు. లగ్జరీ వాచ్‌లతో అక్రమ వ్యాపారం అనే కొత్త పాయింట్‌తో కథను మొదలుపెట్టినా, అది రొటీన్ రివెంజ్ డ్రామాగానే కొనసాగింది. కానీ, రజినీకాంత్ లాంటి స్టార్ ఉన్నప్పుడు రొటీన్ కథ కూడా స్పెషల్‌గా అనిపిస్తుంది. ఇంటర్వెల్ బ్యాంగ్ నుంచి కథ పరుగులు పెడుతుంది. దేవా గతం రివీల్ అయ్యే ఫ్లాష్‌బ్యాక్ సీన్స్ బాగా కనెక్ట్ అవుతాయి. ట్రైన్ ఫైట్, పోర్ట్ ఫైట్.. ఇలా ప్రతీ యాక్షన్ సీన్ రజినీ స్టైల్‌తో అభిమానులకు పూనకాలు తెప్పించేలా ఉంది. ముఖ్యంగా లోకేష్ గత చిత్రం ‘లియో’తో పోలిస్తే, ‘కూలీ’ మేకింగ్ చాలా బెటర్‌గా ఉందని చెప్పాలి. స్క్రీన్‌ప్లే ఇంకాస్త పదునుగా ఉంటే సినిమా ఇంకో స్థాయిలో ఉండేది. కానీ, అభిమానులను నిరాశపరచకుండా డైరెక్టర్ ఈ సినిమాను ఒక యాక్షన్ ఫీస్ట్ లా మలిచాడు.

నటీనటుల పనితీరు(Explained Artists Performance in Coolie Review):

దేవా పాత్రలో రజినీకాంత్ జీవించేశారు. యాక్షన్, ఎమోషన్స్‌తో అభిమానులను మరోసారి మెస్మరైజ్ చేశారు. ఆయన స్టైల్, స్వాగ్, బాడీ లాంగ్వేజ్.. ఈ సినిమాకి హైలైట్ అని చెప్పాలి. ఆయన లుక్స్, డ్రెస్సింగ్ స్టైల్ కూడా ఒక కొత్త స్టైల్ స్టేట్‌మెంట్‌లా అనిపిస్తాయి.

విలన్‌గా నాగార్జున తన మార్క్ చూపించారు. ఆయన లుక్ స్టైలిష్‌గా ఉన్నా, పాత్రకు ఇంకాస్త బలం తోడై ఉంటే బాగుండేది. కానీ, కొన్ని సన్నివేశాల్లో ఆయన విలనిజం ఆకట్టుకుంటుంది.

దయాల్ పాత్రలో సౌబిన్ షాహిర్ (Soubin Shahir) సినిమాకి నిజమైన హీరో అని చెప్పాలి. అతని పవర్ ఫుల్ పర్ఫార్మెన్స్ సినిమా బరువును మోసింది. క్లైమాక్స్‌లో ఉపేంద్ర మరియు ఆమిర్ ఖాన్ పాత్రలు కూడా ఇంట్రెస్టింగ్‌గా ఉంటాయి. శృతి హాసన్  కూతురి పాత్రలో చక్కగా నటించింది. పూజా హెగ్డే (Pooja Hegde) స్పెషల్ సాంగ్ థియేటర్‌లో విజిల్స్ వేయించేలా ఉంది.

టెక్నికల్ అంశాలు (Coolie Technical Team):

అనిరుధ్ రవిచందర్ (Anirudh Ravichander) మ్యూజిక్ ఈ సినిమాకు ప్రాణం పోసింది. బ్యాక్‌గ్రౌండ్ స్కోర్ రజినీ ఎలివేషన్ సీన్లకు అద్భుతంగా కుదిరింది. గిరీష్ గంగాధరన్ సినిమాటోగ్రఫీ సినిమాకు స్పెషల్ అట్రాక్షన్. ప్రతీ ఫ్రేమ్ చాలా స్టైలిష్‌గా, విజువల్‌గా రిచ్‌గా అనిపిస్తుంది. నిర్మాణ విలువలు కూడా చాలా ఉన్నతంగా ఉన్నాయి.

కూలీ మూవీ ఎలా ఉందంటే (Coolie review):

‘కూలీ’ సినిమా కథ విషయంలో కొన్ని లోపాలు ఉన్నా, రజినీకాంత్ స్టైల్, అనిరుధ్ బ్యాక్‌గ్రౌండ్ మ్యూజిక్, పవర్‌ఫుల్ యాక్షన్ సీన్స్, మరియు పర్ఫెక్ట్‌గా కుదిరిన స్టార్ కాస్ట్ సినిమాను నిలబెట్టాయి. ఇది కేవలం ఒక సినిమా కాదు.. రజినీ అభిమానుల కోసం రూపొందించిన ఒక పర్ఫెక్ట్ మాస్ ఎంటర్‌టైనర్. రజినీ అభిమానులకు ఈ సినిమా ఓ పండగే!

రజినీకాంత్ కోసం, ఆయన స్టైల్ కోసం సినిమా చూడాలనుకునే వారికి ‘కూలీ’ పర్ఫెక్ట్ ఛాయిస్. ఈ సినిమా థియేటర్‌లో రజినీ మ్యాజిక్‌ను ఫుల్‌గా ఎంజాయ్ చేయడానికి వెళ్లవచ్చు.