Chennai Love Story Movie Review: కిరణ్ అబ్బవరం హిట్ కొట్టాడా? SKN ‘కల్ట్ క్లాసిక్’ అన్నారు ఎలా ఉంది?

Chennai Love Story Movie Review: ‘కలర్‌ ఫోటో’, ‘బేబీ’లతో నేషనల్ లెవెల్లో గుర్తింపు తెచ్చుకున్న సాయి రాజేశ్ (Sai Rajesh) కథ అందించగా, ఎస్‌కేఎన్ నిర్మించిన సినిమా ‘చెన్నై లవ్‌స్టోరీ’. కిరణ్ అబ్బవరం (Kiran Abbavaram) హీరో. మరి ఎస్‌కేఎన్ ప్రీ-రిలీజ్ ఈవెంట్లలో చెప్పినట్టు ఇది నిజంగానే “క్లాసిక్ బ్లాక్‌బస్టర్” రేంజ్‌లో ఉందా? లేక జస్ట్ మరో రొటీన్ లవ్‌స్టోరీలా మిగిలిపోయిందా? ఒకసారి చూద్దాం!

కథ ఏంటంటే…

సాధారణంగా మన సినిమాల్లో ప్రేమ విఫలమైతే హీరోలు మందు బాటిల్ పట్టుకుని దేవదాసులైపోవడం చూస్తుంటాం. కానీ ఇక్కడ ట్విస్ట్ ఏంటంటే… హీరోయిన్ నివి (శ్రీ గౌరీ ప్రియ)! తను ప్రాణంగా ప్రేమించిన అజయ్ (త్రిగుణ్), పెళ్లి ముహూర్తానికి సరిగ్గా “నేను వేరే అమ్మాయిని ప్రేమిస్తున్నా, సారీ బై!” అని హ్యాండ్ ఇచ్చి వెళ్ళిపోతాడు.

ఆ బ్రేకప్ బాధ తట్టుకోలేక నివి (Sri Gouri Priya) కంప్లీట్‌గా డిప్రెషన్‌లోకి వెళ్లిపోయి.. తాగుడుకి బానిసైపోతుంది. ఫ్రెండ్స్ ఎంత ట్రై చేసినా రిలాక్స్ అవ్వకపోగా, ఎప్పుడూ తాగుడే. ఇలాంటి టైమ్‌లో చెన్నైలో డైరెక్టర్ అవ్వాలని అనాథ అయిన స్టీవెన్ శంకర్ (కిరణ్ అబ్బవరం) నివి ఉంటున్న రూమ్‌లోకి ఎంట్రీ ఇస్తాడు. మొదట్లో మనోడి చేష్టలు చిరాకు తెప్పించినా, మెల్లగా నివికి స్టీవెన్ దగ్గరవుతాడు. బ్రేకప్ పెయిన్ నుంచి బయటపడి మళ్లీ లవ్‌లో పడుతుంది.

తీరా లైఫ్ ట్రాక్‌లోకి వచ్చింది అనుకునే టైమ్‌కి… ఆ పాత ప్రేమికుడు అజయ్ మళ్లీ ఎంట్రీ ఇస్తాడు! మరి ఆ తర్వాత నివి ఏం చేసింది? అసలు స్టీవెన్ లవ్ సక్సెస్ అయిందా లేదా? అనేది మిగతా స్టోరీ.

‘చెన్నై లవ్‌స్టోరీ’ ఎలా ఉంది?

‘బేబీ’తో ఫస్ట్ లవ్ పెయిన్‌ని గట్టిగా చూపించిన సాయి రాజేశ్, ఈసారి “మలి ప్రేమ (సెకండ్ లవ్) ఎంత గొప్పది” అని చెప్పడానికి ట్రై చేశారు. ఐడియా బాగానే ఉంది.

• ఫస్ట్ హాఫ్ (బూస్ట్ డ్రింక్ లాంటిది): కథ చాలా ఇంట్రెస్టింగ్ నోట్‌తో స్టార్ట్ అవుతుంది. హీరోయిన్ డిప్రెషన్, ఆమెను ట్రాక్‌లోకి తీసుకురావడానికి హీరో చేసే చిలిపి పనులు, వాళ్ల మధ్య వచ్చే కెమిస్ట్రీ అన్నీ బాగా వర్కవుట్ అయ్యాయి. మధ్యలో వచ్చే ‘గుర్తుందా’ సాంగ్ మంచి జోష్ ఇస్తుంది. ఇక ఇంటర్వెల్ బ్యాంగ్ అయితే మైండ్ బ్లాంక్ అయ్యేలా ఊహించని ట్విస్ట్‌తో బరువెక్కిస్తుంది.

• సెకండ్ హాఫ్ (మ్యాజిక్ పేరిట లాజిక్‌కు తూట్లు!): సెకండ్ హాఫ్ స్టార్ట్ అవ్వగానే లాజిక్‌ని పూర్తిగా డస్ట్‌బిన్‌లో పడేసి “మ్యాజిక్” నమ్ముకున్నాడు డైరెక్టర్. ఒక చిన్న ఫాంటసీ ఆత్మ కాన్సెప్ట్ తెచ్చాడు. అది నమ్మితే ఓకే, లేకపోతే మాత్రం సెకండ్ హాఫ్ అంతా పెద్ద ‘ఆత్మ ఘోష’లా అనిపిస్తుంది! రామ్-తమన్నాల ‘ఎందుకంటే ప్రేమంట’ సినిమా చూస్తున్న ఫీలింగ్ రావొచ్చు.

అయితే పాత ప్రియుడు అజయ్ క్యారెక్టర్ రీ-ఎంట్రీ ఇచ్చాక కాస్త కామెడీ వర్కవుట్ అయింది. క్లైమాక్స్ ఎమోషనల్‌గా ఉన్నా, మనం ఈజీగా ఊహించేలా ఉండటం చిన్న మైనస్.

ఎవరెలా చేశారు?

• కిరణ్ అబ్బవరం: స్టీవెన్ పాత్రలో చాలా సహజంగా నటించాడు. ఎక్కడా ఓవర్ యాక్షన్ లేకుండా బాడీ లాంగ్వేజ్ బాగుంది.

• శ్రీ గౌరీ ప్రియ: సినిమాకి అసలైన ప్లస్ పాయింట్ ఈమెనే! లవ్ ఫెయిల్యూర్ డిప్రెషన్‌లో ఉన్న అమ్మాయిగా జీవించేసింది.

• మిగతా వాళ్ళు: త్రిగుణ్ ఉన్నంతలో బాగానే చేశాడు. పూజ, సిరి హనుమంతు, కార్తీక్ క్యారెక్టర్లు ఓకే.

• మ్యూజిక్ & టెక్నికల్: ఈ సినిమాకి రియల్ హీరో మణిశర్మ (Mani Sharma)! పాటలు వినడానికి, చూడటానికి చాలా బాగున్నాయి. బ్యాక్‌గ్రౌండ్ మ్యూజిక్ (BGM) తో సీన్లను బాగా లేపారు. సినిమాటోగ్రఫీ, ప్రొడక్షన్ వాల్యూస్ రిచ్‌గా ఉన్నాయి.

Chennai Love Story Movie Review – ఫైనల్ వర్డిక్ట్:

మొత్తానికి ఎస్‌కేఎన్ (SKN) చెప్పినట్టు ఇది అల్టిమేట్ “కల్ట్ క్లాసిక్” అయితే కాదు కానీ… ఫస్ట్ హాఫ్‌లో మంచి ఎమోషన్స్, సెకండ్ హాఫ్‌లో లాజిక్స్ పట్టించుకోకుండా చూస్తే ఒక ‘డిసెంట్ అండ్ వాచబుల్’ లవ్ స్టోరీ!

“Chennai Love Story Movie Review” బాటమ్ లైన్: ఫస్ట్ లవ్ బ్రేకప్ అయి బాధపడుతున్న వాళ్లకి ఈ ‘సెకండ్ లవ్’ స్టోరీ కాస్త ఉపశమనం ఇవ్వొచ్చు!

ఈ వారం ఓటీటీలో సందడి చేయనున్న సినిమాలు, వెబ్ సిరీస్‌లు తెలుగు డబ్బింగ్ మూవీస్లు