Viswanath and Sons Movie Review: ఈమధ్య థియేటర్లలో మాస్, యాక్షన్ సినిమాల హంగామానే ఎక్కువైంది. కుటుంబమంతా కలిసి హాయిగా నవ్వుకుని, భావోద్వేగానికి గురయ్యే క్లాస్ ఫ్యామిలీ డ్రామాలు రావడం బాగా తగ్గిపోయింది. ఇలాంటి సమయంలో తమిళ స్టార్ హీరో సూర్య, దర్శకుడు వెంకీ అట్లూరి కాంబినేషన్లో వచ్చిన ‘విశ్వనాథ్ అండ్ సన్స్’ చిత్రం ప్రేక్షకుల్లో ఆసక్తిని పెంచింది. మరి ఈ ఫ్యామిలీ ఎంటర్టైనర్ సూర్యకు మళ్లీ మంచి విజయాన్ని అందించిందో లేదో చూద్దాం!
Viswanath and Sons Movie కథ ఏంటి?
సంజయ్ విశ్వనాథ్ (సూర్య) ఒక బడా వ్యాపారవేత్త. అంతేకాకుండా ఒలింపిక్స్ షూటింగ్లో దేశానికి స్వర్ణపతకం సాధించిన విజేత. 40 ఏళ్లు వచ్చినా, చిన్ననాటి కొన్ని చేదు జ్ఞాపకాల వల్ల ఆయన పెళ్లికి దూరంగా ఉంటాడు. అయితే, ఎలాగైనా ఒక వారసుడిని చూడాలని తల్లి (రాధిక శరత్కుమార్) పట్టుబట్టడంతో, సంజయ్ అమెరికా వెళ్లి సరోగసీ పద్ధతిలో ఒక బాబుని పొంది ఇండియాకు తీసుకొస్తాడు.
అయితే, ఊహించని రీతిలో ఆ బిడ్డ అనారోగ్యానికి గురవుతాడు. బాబు కోలుకోవాలంటే కన్నతల్లి అవసరమని వైద్యులు చెబుతారు. దాంతో ఆ తల్లిని వెతుక్కుంటూ సంజయ్ మళ్లీ అమెరికా ప్రయాణమవుతాడు. ఈ క్రమంలో మదన కామేశ్వరి అలియాస్ మ్యాడీ (మమిత బైజు) ఆయన జీవితంలోకి ఎలా వచ్చింది? బిడ్డకు జన్మనిచ్చిన తల్లి దొరికిందా? తన తల్లి కోరికను సంజయ్ ఎలా నెరవేర్చాడు? అనేది తెరపై చూడాల్సిన అసలు కథ.
Viswanath and Sons Movie మూవీ ఎలా ఉంది?
‘గజినీ’ చిత్రంలో చూసిన సంజయ్ రామస్వామి లాంటి క్లాస్ పాత్రను వెంకీ అట్లూరి ఈ సినిమాలో సూర్యతో మరోసారి ఆవిష్కరించారు. హీరో-హీరోయిన్ల మధ్య వయసు వ్యత్యాసం, సరోగసీ చుట్టూ అల్లుకున్న ఎమోషన్స్ ఈ కథకు కొత్తదనాన్ని ఇచ్చాయి.
ప్రథమార్థం (ఫస్ట్ హాఫ్) చాలా సరదాగా, ఆహ్లాదకరంగా సాగిపోతుంది. హీరో, హీరోయిన్ల పరిచయం, సంజయ్ తల్లితో మ్యాడీ చేసే అల్లరి, సునీల్ రెడ్డి-రాధికల మధ్య వచ్చే కామెడీ సన్నివేశాలు ప్రేక్షకులను బాగా ఆకట్టుకుంటాయి.
అయితే ద్వితీయార్థం (సెకండ్ హాఫ్)కి వచ్చేసరికి సినిమా వేగం కాస్త తగ్గుతుంది. కోర్టు డ్రామా, ఆ తర్వాత వచ్చే నాటకీయ పరిణామాలు పెద్దగా ఆకట్టుకోకపోగా కథ అక్కడే తిరుగుతున్నట్లు అనిపిస్తుంది. తల్లి పాత్ర చుట్టూ వచ్చే మలుపు వల్ల కథ కొంత పక్కదారి పట్టిన భావన కలుగుతుంది. ముగింపు చాలా సహజంగా, క్లాస్గా ఉన్నప్పటికీ, కమర్షియల్ హంగామా ఆశించేవారికి ఇది పూర్తి స్థాయిలో సంతృప్తినివ్వకపోవచ్చు.
Viswanath and Sons Movieలో ప్లస్సులేంటి?
- సూర్య: ఏజ్ కి తగ్గట్టుగా మెచ్యూర్డ్గా కనిపిస్తూ, ఎమోషన్స్ను పర్ఫెక్ట్గా క్యారీ చేశారు.
- మమిత బైజు ఎనర్జీ: మ్యాడీ పాత్రలో మమిత చురుకైన నటన సినిమాకు ప్రధాన ఆకర్షణగా నిలిచింది.
- క్లీన్ ఎంటర్టైన్మెంట్: ప్రథమార్థంలో వచ్చే హాస్యం, సున్నితమైన భావోద్వేగాలు.
- సంగీతం & నిర్మాణం: పాటలతో పాటు జి.వి. ప్రకాష్ ఇచ్చిన ఆర్ఆర్ (RR) సినిమా స్థాయిని పెంచడంలో కీలక పాత్ర పోషించింది. నిర్మాణం రిచ్గా ఉంది.
Viswanath and Sons Movieలో మైనస్సులేంటి?
- సెకండ్ హాఫ్లో సాగదీత, బలహీనమైన కోర్టు సన్నివేశాలు.
- కథ హఠాత్తుగా వేరే దారి పట్టడం.
- మాస్ హంగామాను కోరుకునే వారికి నిరాశే.
- డబ్బింగ్ చిత్రమనే భావన అడుగడుగునా కనిపించడం.
ఎవరు ఎలా చేశారు?
- సూర్య: సంజయ్ విశ్వనాథ్గా తన వయసుకు తగ్గ పాత్రలో ఎంతో సహజంగా నటించారు. ఆయన నటన సినిమాకి పెద్ద ప్లస్.
- మమిత బైజు: తన పాత్ర డిజైన్కు తగట్టుగా చలాకీతనంతో ఆకట్టుకుంది.
- రాధిక శరత్కుమార్: హీరో తల్లిగా అనుభవజ్ఞురాలైన నటనతో మెప్పించారు.
- ఇతర నటులు: రవీనా టాండన్, సునీల్ రెడ్డి, నాజర్ తమ పాత్రలకు పూర్తి న్యాయం చేశారు.
Viswanath and Sons Movie Review Final Verdict ముగింపు
మొత్తంగా చెప్పాలంటే.. ‘విశ్వనాథ్ అండ్ సన్స్’ హృదయానికి హత్తుకునే ఒక స్వచ్ఛమైన కుటుంబ కథా చిత్రం. మాస్ యాక్షన్లను పక్కనపెట్టి, మంచి భావోద్వేగాలు, క్లాస్ సినిమాలు ఇష్టపడేవారికి ఈ చిత్రం ఖచ్చితంగా నచ్చుతుంది.
